Манчестер сити и официјално е нов шампион во Премиер лигата по поразот на градскиот ривал Јунајтед од Лестер со 1-2 во мечот од 36-тото коло. Граѓаните се вратија на тронот во Англија по пауза од една сезона, а под водство на Пеп Гвардиола, Сити по третпат ја освои титулата.
Шпанскиот стратег на тој начин повтори шампионски подвиг на легендарниот Кени Далглиш како втор менаџер кој освои три титули само во пет сезони.
Гвардиола не беше шампион со Сити во неговата дебитантска сезона 2016/17, која му припадна на Челзи, како и во ланската, кога Ливерпул издоминира во првенството.
3 – Pep Guardiola has won the @premierleague title in three of his five seasons managing in the top-flight, the first manager to win the league in three of his first five seasons managing in the top-flight since Kenny Dalglish (1985-86, 1987-88 & 1989-90). King. pic.twitter.com/lV29GEdiMy
— OptaJoe (@OptaJoe) May 11, 2021
