Барселона игра одлично во шпанското првенство и со 16 бода од шест кола е веднаш зад перфектниот Реал Мадрид. Каталонскиот гигант ја има најдобрата одбрана во Примера само со еден примен гол, што значи дека дефанзивната линија функционира перфектно.
Во оваа дефанзивна четворка на Барселона, сезонава меѓу стартерите нема место за Жарарт Пике. Искусниот Пике сезонава играше само на еден меч во првенството (во победата над Кадис од 4:0), а во Лигата на шампиони одигра 45 минути на дуелот против Викторија П’лзењ.
Фактот дека речиси постојано е на клупата за резерви, Пике решил јавно да го каже своето незадоволство, па додека бил во соблекувалната, коментирал дека е незадоволен од добиената минутажа од Чави. Овој разговор на Чави стигнал и до ушите на тренерот, па Чави веднаш реагирал и на Пике му порачал „Отсега ќе играш уште помалку“.
🚨🚨| Gerard Piqué was complaining about his playing time in the dressing room, Xavi heard it & said: “You are going to play even less now.” @sport
— Managing Barça (@ManagingBarca) September 19, 2022
Пике речиси 14 години беше стандарден првотимец во Барселона, но сега ситуацијата е сменета и искусниот дефанзивец мора да биде на клупата. Некои најави се дека Пике ќе ја загуби трпеливоста и дека во следниот период ќе побара раскинување на договорот кој го обврзува да остане на „Каму ноу“ до 2024 година.
