По 12 години освои нов НБА пехар со слатко постигнување што го има само уште еден човек

Ражон Рондо успеа по 12 години повторно да стаса до шампионскиот прстен во НБА лигата и од ноќеска е само вториот кошаркар што успеал да биде првак и со Бостон селтикс и со Лос Анџелес лејкерс.

Бекот на Езерџиите, беше шампион со Бостон во 2008 година и тоа до ноќеска му беше и единствената титула во НБА лигата.

Лос Анџелес лејкерс во шесттиот меч од финалето против Мајами славеше со 106:93 и со вкупен резултат од 4:2 во победи ја освои круната.

Со тоа Лејкерс се израмнија со Бостон на врвот на вечната листа НБА шампиони со по 17 титули, а Рондо му се приклучи на Клајд Ловелет.

Кошаркар што има една титула со Минеаполис лејкерс, во 1953/54 кога тимот се уште не беше преселен во Лос Анџелес и со Бостон селтикс двапати по ред, во сезоните 1962/63 и 1963/64.

 

- Оглас -

Најнови вести