Тијаго Силва вчера го одигра последниот натпревар во кариерата за ПСЖ, штета што тоа беше пораз во финалето од Лигата на шампионите. Пo осум години и седум титули во француската Лига 1 и уште многу пехари во домашните купови, искусниот бразилски дефанзивец заминува од „Паркот на принцовите“, а негова следна дестинација треба да биде Челзи.
Англиските медиуми веќе го најавија Силва како трето засилување за Френк Лампард ова лето, по Хаким Зијех и Тимо Вернер. Силва од денес е слободен агент и се очекува да потпише едногодишен договор со Сините, со можност тој да се продолжи на уште една дополнителна сезона.
Неговото искуство сигурно ќе биде од голем значење за Лампард и неговата разнишана одбрана, која минатата сезона дозволи 58 гола во својата мрежа на 38 меча во Премиер лигата.
