Менаџерот на Тотенхем, Маурисио Покетино, призна дека многу тешко му паднал поразот од Ливерпул во финалето на Лигата на шампионите, па десет дена тагувал и не сакал да излезе од дома. Ливерпул победи со 2-0 во мадридското финале на 1 јуни, а Покетино верувал дека неговиот тим бил подобар и незаслужено загубил.
„Тешко ми беше да се помирам бидејќи бевме блиску, а не успеавме. Имавме неверојатни тринеделни подготовки и поради тоа огромно беше разочарувањето кога загубивме. Такво разочарување имав и како играч на СП во 2002 година, кога за една недела одигравме нерешено со Шведска, а загубивме од Англија. По финалето, со воз заминав во Барселона и десет дена останав дома, не сакав да излезам. Мислам дека бевме подобри од Ливерпул, мали детали ја направија разликата“, изјави Покетино.