Манчестер јунајтед со 2:1 славеше во Бирмингам против Астон вила во меч од 24-тото коло, победа со која Црвените ѓаволи се приближија кон четвртото место на табелата. Англискиот гигант водеше со голот на Хојлунд во 17-тата минута, а потоа Астон вила напаѓаше за да израмни.
Тоа се случи во 67-мата минута, кога Даглас Луиз најдобро се снајде во една мешаница и од петерецот го матира Андре Онана. По постигнувањето на погодокот на Луиз, камерите го „уловија“ помошниот судија Ричард Вест како се радува на погодокот на домашниот тим. Овој момент може да го видите ТУКА.
Иако Астон вила израмни и домашните навивачи очекуваа да видат целосен пресврт, на крајот се случи спротивното. Скот Мектоминеј со гол во 86-тата минута донесе победа за Манчестер јунајтед. Со оваа победа Црвените ѓаволи стигнаа до 41 бод и се на шестото место, додека Астон вила е на петата позиција со 46 бода.
