Португалскиот тренер Андре Вилаш-Боаш е дел од скандалот со дрога за кој полицијата започна истрага. Сомнителен бил еден коверт во кој имало хашиш, а бил испратен од Португалија во Бразил. На писмото стоеле три адреси од испраќачот, а една од адресите била таа на тренерот Вилаш-Боаш.
Се верува дека некој сака да му намести скандал на фудбалскиот стратег откако Вилаш-Боаш најави политичка кариера, па дури и кандидатура за градоначалник на Порто во 2024 година.
Вилаш-Боаш е роден во Порто, а тренерската кариера ја започнува во Академика, па потоа беше на клупата и на фудбалскиот гигант Порто. Во тренерската кариера беше предводник и на лондонските екипи Челзи и Тотенхем. Интересно е дека и многу попознатиот португалски стратег Жозе Мурињо како тренер работел и во Порто, Челзи и Тотенхем.
По заминувањето од Англија, Вилаш-Боаш продолжи да работи во Зенит, а потоа го предводеше тимот на Шангај, додека последен негов клуб беше Олимпик Марсеј. Сега е слободен агент, но се верува дека повеќе сака да се фокусира на политичката кариера отколку на тренерската.
Em mais um dia normal na Palermo do Norte de Portugal…
André Villas Boas, potencial rival de Pinto da Costa nas eleições para a Presidência do FC Porto, alvo de cilada. pic.twitter.com/7rIpo3zdA6
— O Fura-Redes (@OFuraRedes) January 9, 2023