Во дуелот на некогашните европски прваци, Порто го пречекува Јувентус. Двата тима во својата клупска историја може да се пофалат дека двапати биле на кровот на европскиот фудбал, а вечерва ќе играат во осминафиналето од ЛШ. Првиот меч се игра во Порто, а веќе се познати и стартните состави на двата тима.
Кристијано Роналдо и Дејан Кулушевски треба да бидат главна опасност за голот на Порто, додека во одбраната на Старата дама командант е Џорџо Кјелини. Од оние играчи кои се задолжени за давање голови, Пауло Дибала и Алваро Мората ќе бидат на клупата за резерви. Некогашниот дефанзивец на Реал Мадрид, Пепе, е капитен на Порто и треба да биде главен во мисијата да се заштити домашниот гол.
Двата тима играат во иста формација 4-4-2, а ова се стартните состави:
Јувентус има три победи и само едно реми во четирите меча против Порто во последниве 20 години. Тоа што е интересно е дека три од тие четири средби биле со 0-2 гола, што е најава за тврд дуел без многу погодоци.
Севилја со девет победи по ред во сите натпреварувања е домаќин на Борусија Дортмунд. Гостите играат многу променливо и навистина ќе биде голем предизвик да дојдат до позитивен резултат од ова гостување.
Домаќините ќе играат во формација 4-3-3 со Сусо, Ел Несри и Гомез во офанзивната линија, додека Халанд е најистурен во нападот на Борусија, а од заднина во формација 4-3-2-1 ќе напаѓаа и Санчо и Ројс.
