Македонските фудбалски репрезентативци тренираат на Арената „Тодор Проески“ во пресрет на утрешниот дуел со Бугарија од Лигата на нации.
Селекторот Благоја Милевски на прес-конференцијата спомна дека теренот е во лоша состојба, а во тоа можеа да се уверат и фудбалерите на кои ова нема да им биде првпат да играат во вакви услови.
Атмосферата во тимот е добра, играчите се желни за победа со која би се чувствувале подобро после поразот во Грузија, каде играа добро, а фалеше реализација.
Нападот можеби ќе профункциоинира утревечер кога Црвено-жолтите ќе имаат ветер во грб од илјадниците навивачи.