Вардар славеше со огромни 31-23 во првиот четвртфинален дуел против унгарскиот состав и направи голем чекор кон нов пласман на Ф4 завршницата во најелитното клупско ракометно натпреварување.
По победата во „Јане Сандански“ беше вистинска фешта, радоста на навивачите беше неизмерна. Македонската гордост направи спектакл за крај, а од трибини се слушаше – Шампионе, шампионе!
Ова беше последен меч на Вардар во Лигата на шампиони на свој терен за оваа сезона. На крајот од сезоната, главниот спонзор Сергеј Самсоненко ќе си замине од клубот и за жал тешко дека Вардар, следната сезона ќе биде во исто светло.
