Јужнокорејскиот тим Сеул ќе мора да плати 75.000 евра казна поради користење на секс-кукли на трибините за време на мечевите од домашното првенство. Поради пандемијата со корона-вирусот, и во Јужна Кореја на стадионите не смее да има публика, а од Сеул се решија на посебен метод, со ставање на секс-кукли на трибините.
Ваквиот потег ги налути поголем дел од гледачите кои средбата ја следеа преку ТВ-преносот, па целиот случај заврши на Дисциплинска постапка.
„Дисциплинсиот комитет одлучи да преземе дополнителни дисциплински санкции поради сериозниот инцидент направен со секс-куклите. Тоа е голема навреда за сите наши женски навивачи“, стои во соопштението на К-лигата.
Сеул е тим кој во 2016 година беше шампион на оваа земја, а поради инцидентот веднаш беше уплатено извинување, кое сепак не беше доволно за да се избегне паричната казна од 75.000 евра.
2016 K League winners FC Seoul inadvertently used sex dolls rather than fashion mannequins to help fill empty stands this weekend. The club has apologised. Both the club and the supplier are pointing fingers at others. (It’s not just COVID-19 you need to avoid catching!) #kleague pic.twitter.com/59rSU8XxYL
— Devon Rowcliffe (@WhoAteTheSquid) May 17, 2020
