Саутхемптон на најбрз можен начин стигна до водство на гостувањето кај Ватфорд. Домаќините го имаа почетниот удар, но напаѓачот на гостите Шејн Лонг тргна агресивно и успеа да ја пресече топката, по што излезе сам пред голманот на домаќините и даде гол.
Од почетокот на средбата, до голот на Лонг поминаа само седум секунди и тоа е најбрзиот погодок во историјата на Премиер лигата. Претходно рекордот го држеше Ледли Кинг, кој на мечот против Братфорд во 2000 година даде гол за 10 секунди од почетокот на мечот.
