Мајами хит губи со 1:0 од Лос Анџелес лејкерс во финалето од плејофот во НБА-лигата. Поразот во стартниот меч сепак не е најголем проблем за Жешките. Поголема грижа претставува тоа што двајца од стартерите се повредија и предвреме го завршија мечот.
Горан Драгиќ заработи повреда на стапалото, а по првичните прегледи, се работи за сериозна повреда која бара мирување. Словенечкиот интернационалец сигурно нема да игра во вториот меч, а тешко дека би можело да се врати на теренот до крајот на финалната серија.
Miami’s Goran Dragic has suffered a plantar tear of left foot, source tells ESPN.
— Adrian Wojnarowski (@wojespn) October 1, 2020
Бам Адебало се пожали на истегнување на рамото и кога излезе во третата четвртина, не се врати во игра. Лекарите прогнозираат дека сепак неговата повреда не е толку опасна и високиот играч би требало да биде подготвен за вториот меч од финалето кое се игра од петок кон сабота во три часот наутро.
Рано утрово Лејкерс без поголем проблем славеше против Мајами со убедливи 116:98.
Source says Bam Adebayo intends to play Friday in Game 2. There will be a lot of treatment in his future Thursday.
— Tim Reynolds (@ByTimReynolds) October 1, 2020
