Луј Ван Гал ја прифати понудата на раководството на холандскиот второлигаш Телстар и вечерва им беше тренер на мечот против лидерот Јонг АЗ Алкмар и успеа да се радува на победа од 1:0.
Потегот на раководството на Телстар и на селекторот на Холандија беше во хуманитарни цели, а целиот спектакл предизвика еуфорија во Северна Холандија.
Ван Гал беше и на два тренинга на Телстар оваа недела, со присуство на многу навивачи на клубот, кои ги исполнија целиот капацитет од 3.625 места вечерва на „Буко“ стадионот.
💪 Binnen 10 minuten is het al raak voor de ploeg van Louis van Gaal, Glynor Plet maakt met wat geluk de openingstreffer voor Telstar.
📺 ESPN & ESPN2
#️⃣ #TELJAZ pic.twitter.com/WCbQhmraWm— ESPN NL (@ESPNnl) September 24, 2021
Со голот на Глинор Плет во деветтата минута Телстар ја победи водечката екипа во популарната Ерсте Дивизија. Ван Гал има одлични релации и со Телстар и со АЗ Алкмар и настапуваше по една сезона за двата клуба во својата играчка кариера.
