Демар де Розан повторно го оправда прекарот Кралот на последната четвртина и со нова брилијантна партија баскет му донесе победа на Чикаго булс против Атланта хоукс со 112:108.
Де Розан ги постигна клучните поени за победа во финишот на мечот, а вкупно уфрли 37 поени и се најде во одбрано друштво на големи легенди на НБА-лигата.
Осмипат по ред има 35 или повеќе поени, подвиг што го имаат само уште шестмина кошаркари, Вилт Чембрлен, Елџин Бејлор, Мајкл Џордан, Кобе Брајант, Леброн Џејмс и Џејмс Харден.
DeMar DeRozan is the 7th player in NBA history with 8 straight 35-point games. He joins…
Wilt Chamberlain
Elgin Baylor
Michael Jordan
Kobe Bryant
LeBron James
James Harden pic.twitter.com/o1XcZqb4bj— ESPN Stats & Info (@ESPNStatsInfo) February 25, 2022
Де Розан постигна 12 поени во последниот период, а беше на вистинско ниво во самиот финиш кога се одлучуваше победникот.
https://twitter.com/SportsCenter/status/1497051614993018884?s=20&t=G6UzFsAjNNPnwNDCbHCVQg
Ист учинок од 37 поени ноќеска имаше и Деанџело Расел во победата на Минесота против Мемфис со 119:114.
Повторно блескаше и Никола Јокиќ со 25 поени, 12 скока и 9 асистенции и му фалеше само уште едно прецизно додавање до соиграчите за нов трипл-дабл.
Сепак, популарниот Џокер се радуваше на победа на Денвер нагетс од 128:110 против Сакраменто кингс.
Останати резултати: Детроит – Кливленд 106:103, Бруклин – Бостон 106:129, Оклахома – Феникс 104:124, Портланд – Голден стејт 95:132.
