Шпанскиот прволигаш Леванте, чии бои ги брани македонскиот репрезентативец Енис Барди, ги израдува своите најверни навивачи со прекрасен гест. Клубот бесплатно им ги обнови сезонските билети за сезоната 2019/20 на 14,610 навивачи кои присуствуваа на сите домашни натпревари во Ла Лига за изминатата сезона.
Минатата сезона на Градскиот стадион во Валенсија во просек присуствуваа 19,667 гледачи на секој домашен меч на Леванте, а дури 14,610 од нив не прупуштиле ниту еден натпревар, што значи дека околу 90% од навивачи бесплатно ќе може да го обноват сезонскиот билет. Леванте на овој начин сака да им се заблагодари на навивачите за неизмерната поддршка, а се надеваат дека воедно ќе го зголемат интересот за присуство на нивните натпревари.
