Џејми Варди е човекот на одлука за победа на Лестер против Евертон во премиерниот меч за 2019 година во Премиерлигата.
Репрезентативецот на Англија погоди во 58. минута по најубавата акција на мечот и одличната асистенција на Рикардо Переира.
До крајот на мечот и двете екипи имаа убави шанси за уште некој погодок, но не ги искористија па популарните „лисици“ ги освоија првите бодови во Новата година.
Лестер со 31 бод се искачи на седмата позиција, а Евертон остана на десеттото место со 27 бодови по 21 коло.
