Бристол сити стана препознатлив сезонава по мејлот што го испрати до сите ривали во Шампионат лигата дека веќе нема да толерираат симулирање на противничките играчи и дека нема да ја исфрлаат топката во аут при такви ситуации, а сега повлекоа нов контроверзен потег.
На инстаграм-профилот на клубот, кој е член на втората по ранг лига во Англија, објавија видео како асоцијација за потписот на нов договор со фудбалерот Калум О`Дауда.
Искористија куче, кое во видеото асоцира на играчот, а му го фрлаат договорот во вода за да го земе, со што на чуден и досега невиден начин се означува продолжување на соработка со фудбалер.
Дел од реакциите е дека најавата за нов договор со ирскиот фудбалер е оригинална, а дел реагираат дека е невкусна. Како и да е, досега вакво нешто немало и, секако, е уникатен начин на објава на продолжување на договор со фудбалер, без разлика дали е допадливо или е невкусно.
