Новинарот на швајцарскиот весник „Блик“, Беноа Рожер, откри дека состојбата на неговиот пријател, седумкратниот Формула 1 шампион, Михаел Шумахер не е надежна.
„На прашањето за тоа што се случува со Шумахер, постои само еден одговор, а тој одговор го даде неговиот син Мик, кога во едно интервју рече дека „би дал сè за да може да разговара со татко му“. Оваа реченица кажува сè за тоа каква е здравствената состојба на Михаел. Тоа е случај без надеж“, изјави Рожер.
