Џејмс Харден одигра одличен меч за Филаделфија 76 на премиерата во новата сезона во НБА-лигата против Бостон селтикс, постигна 35 поени и имаше неколку блескави потези, меѓу нив и еден брилијантен, но со катастрофална завршница.
За Брадата беше задолжен најдобриот дефанзивец во Лигата, Маркус Смарт, но и тој беше немоќен, а еднаш беше и понижен од Харден.
Бекот на Филаделфија со прекрасен потег и дриблинг и буквално го легна на паркетот Смарт и потоа се посрамоти со голема утка во чиста позиција за тројка.
Промаши цел обрач и ја погоди само таблата, но со вкупниот впечаток на првиот меч во новата сезона покажа дека ќе биде еден од главните адути на 76-те.
The Harden shimmy, the brick, the Marcus Smart flop…
NBA is back 🤣 pic.twitter.com/eV2DucHcI9
— Bleacher Report (@BleacherReport) October 19, 2022
Харден искомбинира и 8 скока и 7 асистенции, а Филадлефија го загуби премиерниот меч во новата сезона со 126:117 на гости кај 17-кратниот НБА шампион.