Лион и Оксер одиграа нерешено 2:2 во деветото коло од француската Лига 1, но тој резултат треба да се земе со резерва бидејќи постои можност средбата се да преигра. Како е тоа можно и дали навистина ќе се случи такво нешто?
Правилата на францускиот фудбал го овозможија споменатото необично сценарио во Лига 1 со воведување на ново правило на „технички приговор“, а доколку се добие, за првпат во историјата на Лига 1 ќе видиме реприза поради судиската одлука ! Тоа би можело да го промени фудбалот доколку и другите лиги решат да следат сличен тренд.
Сепак, постои можност целата ситуација да биде отфрлена како „глупост“ поради заштитата на угледот на судиите на споменатиот натпревар, како и поради згуснатиот распоред, но и фактот дека на крајот средбата заврши нерешено и двете екипи освоија по еден бод.
ШТО Е ТОА ТЕХНИЧКИ ПРИГОВОР?
За разлика од вербалната жалба до судијата за неговата погрешна проценка, кога играчите ризикуваат да добијат жолт картон, техничката жалба е официјална жалба против одлуката на судијата и се поднесува во текот на натпреварот. Тоа го видовме во рацете на судијата Жереми Стина, кога капитенот на Оксер беше бесен на контроверзната одлука да досуди пенал за Лион.
Арбитерот досуди пенал по фаулот над Микаутадзе, дури и го провери на мониторот по повикот од ВАР-собата, а сите во Оксер беа толку бесни што сакаа да го напуштат теренот. Причината лежи во тоа што натпреварот беше „рестартиран“ пред ВАР-собата да го повика судијата да ја провери неговата одлука и да види дали се работи за пенал, што не е според правилата, па капитенот на гостинскиот тим Жубал поднесе „техничка жалба“ до судијата.
Aconteceu em Lyon x Auxerre: o capitão visitante Jubal entregou ao árbitro uma “reserva técnica” sobre a marcação de um pênalti, alegando que o jogo já havia sido interrompido antes. Documento, anexado à súmula, é previsto em regulamento e pode causar a anulação do resultado. pic.twitter.com/eqSnUULdzO
— Leonardo Bertozzi (@lbertozzi) October 27, 2024
Тој документ, кој е потпишан, е форма на „формален протест“ во Лига 1, кој не може да ја поништи одлуката за пенал што веќе ја донел судијата, но може да доведе до преигрување на средбата.
Повторувањето на натпреварот треба да биде усвоено доколку Судиската комисија ја прифати одлуката дека судиската грешка влијаела на конечниот резултат, а сè треба да се знае најдоцна до 48 часа, до кога е крајниот рок за „техничка жалба“.
