Атлетичарката Јасмин Камачо-Квин победи во женското финале на трката 100 метри со пречки и го освои првото олимписко злато во историјата на Порторико во атлетика.
Ова е и прво одличје за Порторико на Олимпијадата во Токио, за кое Камачо-Квин најави борба уште во полуфиналето кога го урна олимпискиот рекорд со време од 12.26. Ѝ недостасуваа шест стотинки да го урне и светскиот рекорд на Американката Кендра Херисон, која патем се закити со сребрениот медал по ова финале.
Камачо-Квин истрча за 12.37 секунди во финалето, Херисон запиша време од 12.52, додека бронзениот медал припадна на Јамајканката Меган Тејпер со време од 12.55 секунди.
#PUR gets their first medal of #Tokyo2020 and first ever #Athletics GOLD medal!
A superb victory from Jasmine Camacho-Quinn in the women's 100m hurdles!@WorldAthletics @comiteolimpico pic.twitter.com/yGQ237ePVe
— Olympics (@Olympics) August 2, 2021
