Рафаел Надал го одбрани пехарот на Ролан Гарос по победата над Доминик Тим во финалето со 3-1 во сетови (6-3, 5-7, 6-1, 6-1). Шпанецот беше голем фаворит во пресрет на овој дуел и сосема очекувано ја оствари победата со која стигна до рекордна 12-та титула на Отвореното првенство на Франција.
Во ланското финале на Ролан Гарос, истите финалисти се бореа за титулата, а тогаш Надал беше подобар со 3-0 во сетови.
Тим на стартот покажа сила и потенцираше дека нема лесно да му дозволи на Надал да дојде до титулата, но по 3-2 во гемови за Австриецот Надал се разигра и го сврте сетот со два брејка и поведе со 1-0. Во вториот сет беше израмнето до 5-5, а Тим освои два последователни гема откако му одзеде нов сервис на фаворитот и дојде до израмнување.
Се очекуваше неизвесно продолжение, а се случи потоп на Тим. Надал следните два сета ги освои со доминантни 6-1, 6-1, што значеше ново крунисување на „Кралот на земјата“.
23 wins in a row at Roland-Garros…@RafaelNadal wins his 12th title in Paris 6-3 5-7 6-1 6-1 over Dominic Thiem.
🎾 https://t.co/uLebPf6COb#RG19 pic.twitter.com/yEoAq1ghdE
— Roland-Garros (@rolandgarros) June 9, 2019
