Дербито на ноќта во НБА лигата до гоби Портланд со минимални 128:126 по едно продолжение против Хјустон рокетс благодарение на расположениот Си Џеј Мекколум и првата ѕвезда Демиен Лилард.
Бековите на Портланд комбинираа 76 поени и заедно реализираа 14 тројки од 29 обиди, од кои Мекколум погоди девет и постави личен рекорд, што беше премногу за Ракетите предводени од Џејмс Харден.
CJ McCollum's career-high 9TH three-pointer wins it for the @trailblazers❗️ pic.twitter.com/4gEBbFU6HZ
— NBA (@NBA) December 27, 2020
До првата овосезонска победа Портланд мораше многу да се измачи со оглед на тоа дека успеа да надополни негатива од 16 поени. Гостите од Тексас го контролираа резултатот до воведните минути од второто полувреме, по што Блејзерси се разиграа и најавија драматичен финиш.
🚨🚨 44 FOR HARDEN 🚨🚨@HoustonRockets 126@trailblazers 125
15.3 left on @NBATV, POR ball. #KiaTipOff20 pic.twitter.com/aFtB9VtZrh
— NBA (@NBA) December 27, 2020
Во продолжението се играше кош за кош, Харден со сите сили се обидуваше сам да ја добие средбата, меѓутоа ова беше ноќ на Мекколум кој со својата рекордна деветта тројка за вкупно 44 поени го реши дербито. Лилард го следеше Мекколум со 32 поени, додека на грудата страна и Брадата заврши со високи 44 поени, но оствари дабл-дабл со 17 асистенции.
🚨 CJ hits his 4TH three of the quarter! 🚨@trailblazers 80@HoustonRockets 78#KiaTipOff20 on @NBATV pic.twitter.com/GBYZJNjALK
— NBA (@NBA) December 27, 2020
Останати резултати НБА:
Мемфис 112:122 Атланта, Шарлот 107:109 Оклахома, Детроит 119:128 Кливленд, Вашингтон 120:130 Орландо, Њујорк 89:109 Филаделфија, Чикаго 106:125 Индијана, Сан Антонио 119:114 Торонто, Јута 111:116 Минесота, Сакраменто 106:103 Феникс.
