Фудбалскиот клуб Барселона со парада низ улиците на најголемиот каталонски град ја прослави својата нова титула во шпанското фудбалско првенство.
Каталонците повторно покажаа опседнатост со ривалот Реал Мадрид и вадеа маици со провокативна содржина, а и пееја „Кој не скока, тој е мадридиста!“
Но, во еден момент фан на Реал излезе на балкон и ги поздрави со дрес на Кралскиот клуб. Според шпанските медиуми, овој млад фан ги провоцирал играчите на Барса и им викал дека дресот на Реал има мирис на Лигата на шампионите. Тие не го прифатија убаво потегот, па Рафиња и Жерард Мартин му вратија на недоличен начин, со покажување среден прст.
