Женската ракометна репрезентација на Македонија со денешната ждрепка ги доби ривалите за Европското првенство кое ќе се одржи во декември во вкупно пет држави.
Ракометарките ќе играат во група заедно со селекциите на Норвешка, Романија и со Швајцарија. Оваа група ќе се игра во Клуж, Романија.
Македонија секако не е меѓу фаворитите, но ќе се обиде да стигне до добри резултати на континенталниот ракометен собир. Европското првенство за ракометарки ќе се игра од 3 до 20 декември.
