Повратникот во Севиља, Серхио Рамос, на вчерашниот меч против ПСВ Ајндховен (2:3) го постигна јубилејниот 10.000-ти гол во Лигата на шампионите.
Рамос во 24-тата минута, по асистенцијата на Иван Ракитиќ, со глава го совлада голманот на ПСВ и го постигна јубилејниот гол во Лигата на шампионите, која започна да се игра од сезоната 1992/93.
10,000 – Sergio Ramos has scored the 10,000th goal in UEFA Champions League history (excl. pre-group games and qualifiers), 31 years and 4 days after the first scored by Club Brugge's Daniel Amokachi in 1992. Milestone. pic.twitter.com/4c9Ub1qxAG
— OptaJoe (@OptaJoe) November 29, 2023
Ова беше втор гол во европско клупско натпреварување на Рамос во дресот на Севиља, првиот гол го даде на неговото европско деби, во првото коло во Купот на УЕФА во 2004 година, кога со 2:0 беше совладан португалскиот тим Насионал.
Стрелец на првиот гол во Лигата на шампионите беше Нигериецот Даниел Амокачи на 25 ноември 1992 година, на мечот Бриж – ЦСКА Москва.
Интересно е што Рамос го постигна и 6.000-тиот гол во Лигата на шампионите, и тоа тресејќи ја сопствената мрежа. Тоа се случи на петти март 2013 година, во реван-натпреварот од осминафиналето меѓу Манчестер јунајтед и Реал Мадрид. На крајот Реал славеше со 2:1 и се пласира во четвртфиналето.
