Возачот на Мерцедес, Џорџ Расел, изненадувачки дојде до пол-позицијата на квалификациите за ГН на Лас Вегас, откако беше најбрз. Единствениот кој можеше да му конкуреира беше Карлос Сајнц од Ферари, кој ќе стартува од втората позиција и само тој имаше заостанување помало од една десеттинка.
Од третата позиција ќе стартува уште едно изненадување, Пјер Гасли од Алпине, а друштво во вториот ред ќе му прави Чарлс Леклер од Ферари.
GEORGE RUSSELL TAKES POLE IN VEGAS!!! 🤩#F1 #LasVegasGP pic.twitter.com/lOADgM2640
— Formula 1 (@F1) November 23, 2024
Најголемите фаворити за тирулата, Макс Ферстапен и Ландо Норис, ќе стартуваат еден до друг од петтата, односно шестата позиција. Во првите 10 се и Цунода, Пиастри, Хамилтон и Алонсо.
Во генералниот пласман во водство е Макс Ферстапен со 393 бода, пред Норис со 331 и Леклер со 307. Кај конструкторите, лидер е Мекларен со 593 поени, пред Ферари со 557 и Ред бул со 544.
