Клаузулата според која Реал Мадрид може да го врати Нико Паз од Комо за само 8 милиони евра истекува денес, информира „Скај Спорт Италија“.
Уште од крајот на минатата сезона се зборува дека Кралевите имаат намера да го активираат враќањето на 20-годишниот аргентински играч за врска, но досега тоа не се случи.
Реал го продаде Нико Паз на Комо минатото лето за 6 милиони евра, но си задржа право за откуп. Првата опција истекува на 30 јуни 2025 година – денес, но клубот од Мадрид ќе има нови можности и во летото 2026 и 2027 година, кога ќе може да го врати играчот за 9, односно 10 милиони евра.
Нико Паз имаше одлична сезона во своето деби во Серија А, постигнувајќи шест гола и девет асистенции на 35 натпревари за Комо. Исто така, веќе дебитираше за сениорската репрезентација на Аргентина.
Во последните денови се појавија и информации дека за Нико Паз е заинтересиран Интер.
