Реприза на ланското четвртфинале во Лигата на шампионите ќе има меѓу Реал Мадрид и Челзи, одлучи ждрепката во Нион. Македонскиот репрезентативец Елиф Елмас со Наполи ќе игра против Милан, а пеколен пар е и Манчестер сити против Баерн Минхен. Интересно ќе биде и на дуелот Интер – Бенфика.
Првите мечеви ќе се играат на 11 и 12 април, а реванш-дуелите се закажани за 18 и 19 истиот месец.
ДВОЈКИ ЗА ЧЕТВРТФИНАЛЕ
Реал Мадрид – Челзи
Интер – Бенфика
Манчестер сити – Баерн Минхен
Милан – Наполи
Во полуфиналето ќе играат победникот од Милан – Наполи против подобриот од Интер – Бенфика.
Полуфиналните дуели ќе се играат на 9 и 10 мај, а реваншите се за 16 и 17 мај. Финалето е на 10 јуни во Истанбул.
