Реал Мадрид синоќа го прослави јубилејното 20-то освојување на Купот на Шпанија, откако во финалето со 2:1 славеше над Осасуна. Ова е прв трофеј на Кралевите во Купот по пауза од девет години.
По завршување на мечот, на стадионот во Севилја започна фешта во која мадриѓани се радуваа на нов трофеј. Од сите фудбалери на Реал, единствено Еден Азар делуваше несреќно и отфрлено од екипата.
Најскапото засилување во историјата на Реал одигра само еден меч во Купот, но и тоа беше доволно да се закити со златен медал. Во финалето, Азар беше на клупата за резерви.
Le Real Madrid remporte sa 2️⃣0️⃣ème Copa Del Rey ! 🏆 #RTLsports #CopaDelRey pic.twitter.com/fluaKoHhxb
— RTL sports (@RTLsportsbe) May 6, 2023
По завршување на финалето, Азар најави дека нема намера да си замине од Реал додека не му истече договорот, а тоа е во јуни 2024 година.
„Искрено планирам да останам во Реал Мадрид и следната сезона. Сакам да останам за да можам да ја прославам последната сезона од договорот. Сакам да играм и да се борам за место во првиот тим“, рече Азар кој според договорот годишно заработува 27 милиони евра по сезона и е убедливо најскапоплатен фудбалер на Кралевите.
