Реал Мадрид ќе биде драстично ослабен на историскиот шпански Супер куп што ќе се игра во Саудиска Арабија. Големата четворка на шпанскиот фудбал, Реал, Барселона, Валенсија и Атлетико Мадрид ќе игра за пехарот и тоа за првпат надвор од Шпанија.
Кралскиот клуб тргна за Саудиска Арабија без Карим Бензема и Герет Бејл кои се повредени, а надвор од строј е и Еден Азар.
Бензема има повреда на мускулот на левата нога, па Зинедин Зидан одлучи да го одмори најдобриот стрелец на клубот. Бејл има воспаление на дишните патишта, а и тој остана во Мадрид. Азар е повреден и е надвор од строј од ноември.
Реал ќе игра полуфинале против Валенсија во среда од 20 часот во Џеда, а следниот ден во ист термин и на истиот стадион „Кинг Абдула“ полуфинале ќе играат Барселона и Атлетико Мадрид.
