Во дербито на 20-то коло во француската Лига 1, Олимпик Марсеј и Монако ремизираа играјќи 1:1.
Исходот од „Медитеранското дерби“, највеќе му одговора на лидерот на табелата, ПСЖ. Олимпик Марсеј остана на третото место со 43 бода, Монако е четврти со 38, додека ПСЖ е лидер со 47 бода, а згора на тоа има и натпревар помалку.
Монако поведе со автоголот на Верету во 17-та минута.
Гостите беа подобри во првиот дел и можеа да ги решат дилемите околу победникот, но Висам Бен Једер не ги реализираше шансите.
Второто полувреме им припадна на домаќините кои израмнија преку Алексис Санчез во 47-та минута.
