Градските власти на Палермо итно одобрија 200 илјади евра за реконструкција на стадионот „Ренцо Барбера“, но сега станува неизвесно дали тука ќе се игра бараж-мечот меѓу Италија и Македонија на 24 март за пат на Мундијалот во Катар.
Селекторот на Аѕурите, Роберто Манчини, бил незадоволен од лошиот терен на познатиот стадион што е избран како прва опзција за домаќин на полуфиналниот бараж, па сега итно се интервенира со финансиска инјекција од 200 илјади евра.
Има доволно време за да се средат работите и во Палермо веруваат дека сепак ќе бидат организатори на мечот меѓу Италија и Македонија, но Аѕурите сé повеќе размислуваат за алтернативите.
Болоња и стадионот „Ренато Далара“ се прва алтернатива за да го заменат Палермо, а во игра влегува и Бергамо со стадионот на кој како домаќин игра Аталанта.
🔴 #Italia, il manto erboso dello stadio #Barbera di #Palermo non convince: contro la #Macedonia si candidano Bergamo e Bolognahttps://t.co/kBLC36PSsG
— serieAnews.com (@serieAnews_com) December 23, 2021
