Поранешниот капитен на фудбалската репрезентација на Македонија, Стефан Ристовски, е убеден дека неговиот тим Динамо Загреб ќе оствари позитивен резултат во најголемото дерби во Хрватска против Хајдук Сплит, кое ќе се игра в сабота, на „Пољуд“, и на крајот ќе ја освои титулата.
Во хрватскиот шампионат одамна не била неизвесна битката за титулата како што е сезонава, Риека е лидер на табелата со 59 бода, Хајдук Сплит е втор со 55, а Динамо Загреб е трет со 54 бода и натпревар помалку.
Интересно е што Хајдук и Динамо Загреб во Сплит ќе одиграат два меча само за четири дена. Прво в сабота ќе се сретнат во рамките на хрватското првенство, а на трети април ќе играат во полуфиналето на Купот на Хрватска.
Ристовски е убеден дека Модрите ќе остварат позитивен резултат и на двата меча.
„Убеден сум дека успешно ќе ја завршиме сезоната. Нормално дека ќе биде така, не сум препотентен и вообразен, знам што зборувам и знам колку сме квалитетни. Респект за сите, но титулата ќе се прослави на „Максимир“, се зборовите на Ристовски.
🗣️ "Uvjeren sam da ćemo uspješno izvući sezonu! Ma naravno da će biti tako, nisam ni bahat, ni prepotentan, znam što govorim i znam kakvu kvalitetu imamo u svlačionici. Respekt svakome, ali naslov će se opet proslaviti u Maksimiru!" 💪💙
📸 Marko Lukunić/Pixsell pic.twitter.com/gcFVcFzY70
— GNK Dinamo (@gnkdinamo) March 28, 2024