Рио Фердинанд, поранешниот фудбалер на Манчестер јунајтед, откри една занимливост поврзана со неуспешниот трансфер на Арјен Робен кај Црвените ѓаволи во 2004 година. Робен, кој тогаш го носеше дресот на ПСВ Ајндховен, имал понуда од Јунајтед, но ги одби и премина во лондонскиот Челзи.
„Какво играчиште беше Робен. Феноменален. Требаше да го купиме, ќе се вклопеше перфектно во нашиот стил на игра. Сите знаеја дека тој ќе игра со лева нога и дека кога е покрај аут-линијата, ќе тргне кон 16-никот и никој не можеше да го запре. Тој дојде да ја разгледа тренинг-базата, прошета, но не му се допадна миризбата. Потоа потпиша за Челзи”, вели Фердинанд.
Робен три години беше во Челзи, па премина во Реал Мадрид, а кариерата ја заврши во Баерн Минхен.
