Има и такви случаи во фудбалот, играч да ги мине и медициснките прегледи и кога трансферот изгледа неизбежен да се изјалови.
Токму тоа денеска му се случи во Милано на репрезентативецот на САД Ентони Робинсон. Перспективниот 22-годишен бек требаше само да ја заврши формалноста и да потпише договор со Милан, откако ги мина и медицинските прегледи, но во последен момент до потпис не дојде.
Двете страни не се договорија околу условите, па Робинсон се врати во Виган и ќе продолжи да игра за англискиот второлигаш.
Робинсон е еден од најперспективните фудбалери на САД, а одлично игра за Виган и стаса на чекор до преселба во редовите на италијанскиот гигант Милан, но немаше среќа во мноигу чудниот случај денеска.