Со голот на Николо Ѕаниоло во 32 минута, Рома води со 1-0 против Феенорд во историското прво финале во Конференциската лига на УЕФА.
Римската волчица има само еден европски трофеј во својата историја, и тоа од Купот на саемски градови од пред 60 години, но нивен адут е и Жозе Мурињо, кој како тренер, постави рекорд со тоа што со четири различни клубови играл финале во европски куп. Во Европа, Мурињо нема загубено финале.
Единствена негативност за Рома е повредата на Мхитарјан во 17-та минута, по која Ерменецот мораше да излезе од игра.