Поминаа 19 години откако Бразил за последен пат беше светски шампион, петтата планетарна титула им ја донесе Роналдо на Мундијалот во Јужна Кореја и Јапонија, но Роналдо не се гордее со легендарната фризура која ја имаше тогаш.
Роналдо беше прва ѕвезда на тој Мундијал, даде 8 гола, па многу деца низ светот, а и професионални фудбалери си направија таква фризура мислејќи дека ќе им тргне со постигнување голови.
„Пред полуфиналето со Турција, имав повреда и ги прашав соиграчите дали им се допаѓа фризурата, сите ми рекоа дека е катастрофа, но барем се зборуваше за тоа, а не за мојата повреда. Беше ужасна таа фризура. Им се извинувам на сите мајки чии деца си направија исти такви фризури“, изјави Роналдо, кој сега е претседател на шпанскиот прволигаш Валјадолид.
