Манчестер јунајтед инсистира дека нивната ѕвезда Кристијано Роналдо не е на продажба.
На Кристијано Роналдо не му се допаѓа пасивноста на Манчестер јунајтед во преодниот рок, и побарал трансфер ако дојде добра понуда за него. Роналдо нема ништо против менаџерот Ерик Тен Хаг, но клубот како да не ги следи неговите амбиции за бркање трофеи, а и играњето во Лига Европа не го задоволува.
Агентот Мендеш веќе го нуди Роналдо на разни клубови, а понуда за Португалецот дојде од Наполи, но се шпекулира дека Челзи кој има нов газда, е најзагреан за најдобриот стрелец на сите времиња, особено сега кога си замина Ромелу Лукаку, и им треба врвен напаѓач.
Се шпекулира дека Роналдо го сакаат и Спортинг Лисабон, Баерн, и уште неколку клубови, меѓу кои засега не е ПСЖ.
