Кога пред три години Кристијано Роналдо пристигна во тимот на Ал-Наср, многумина мислеа дека тоа ќе биде клубот кој ќе доминира во првенството и во Купот на Саудиска Арабија. Сепак, Роналдо уште се нема израдувано на ниту еден трофеј во дресот на Ал-Наср.
Тоа конечно може да се смени вечерва. Ал-Наср е лидер во првенството на Саудиска Арабија и сега е домаќин на Ал-Хилал, кој е директен ривал во трката за титулата. Ал-Наср има 82 бода од 32 меча, додека Ал-Хилал е втор со 77 бодови од 31 натпревар.
Доколку Ал-Наср победи вечерва, тимот предводен од Роналдо ќе има недостижна предност во пресрет на последното коло. Роналдо преку социјалните мрежи се обрати до фановите на Ал-Наср и побара поддршка од трибините.
„Вашата поддршка нè инспирира секоја недела. На стадионот, дома и низ целиот свет. Оваа енергија е со нас на теренот. Да ја искористиме. За нас. За вас. За Ал-Наср. Се гледаме таму!“, напиша Роналдо на социјалните мрежи.
Your support has pushed us every single week. In the stadium, at home and everywhere around the world. That energy is with us on the pitch.
Let’s make it count. For us. For you. For Nassr.
See you tomorrow. 💥 pic.twitter.com/kRcwByaSDN— Cristiano Ronaldo (@Cristiano) May 11, 2026
