Русија нема да биде домаќин на Суперкупот на Европа и наместо во Казањ, како што беше планирано, шампионот на Европа и освојувачот на пехарот во Лигата на Европа на 16 август ќе играат во Атина, Грција.
Ова е одлука на Извршниот комитет на УЕФА, а беше очекуван епилог по инвазијата на Русија во Украина и претходните санкции на фудбалски план кон оваа земја.
Русите нема да играат квалификации за Европското првенство во Германија во 2024 година, клубовите им се исфрлени од еврокуповите, па и ваква одлука за Суперкупот беше очекувана од УЕФА.
Суперкупот ќе се игра на „Георгиос Караискакис“ во Атина годинава на 16 август, а стандардно за пехарот играат победникот во Лигата на шампионите и победникот во Лигата на Европа.
🇬🇷 The #UEFAExCo decided to relocate the 2023 UEFA #SuperCup from Kazan, Russia, to Athens, Greece.
⚽ The game will be played at the Georgios Karaiskakis Stadium in the Greek capital on Wednesday 16 August at 21:00 CET: ⬇️
— UEFA (@UEFA) January 25, 2023
Во 2017 година и Македонија на Националната арена „Тодор Проески“ беше домаќин на двата шампиони, а тогаш Реал Мадрид како победник во ЛШ со 2:1 го победи Манчестер јунајтед, кој го освои пехарот во Лигата на Европа.
