Бакајо Сака го постигна дебитантскиот гол за Арсенал со кој најави победа на Топчиите против Вулверхемптон, а со волејот со кој ја погоди мрежата на Руи Патрисио во 43. минута стана вториот најмлад англиски фудбалер што дал гол за клубот од Лондон.
Сака има 18 години и 303 дена, а пред него е само Алекс Окслејд Чембрлен, кој даде гол на возраст од 18 години и 173 дена.
Голот во 43. минута ја најави првата победа на Арсенал на „Молињу“ по 8 години, а потврда за триумфот стаса во 86. минута, кога погоди и Лаказет за конечни 2:0.
https://www.youtube.com/watch?v=NshaTnqewBo
Арсенал ја прекина серијата од три меча без победа против Вулверхемптон и се врати во игра за настап во Европа Лигата.
Топчиите сега се на седмото место со 49 бода и ја намалија негативата во однос на денешниот ривал, кој е пред нив со 52 бода.
