Реал Мадрид синоќа испадна од Лигата на шампионите откако загуби од Баерн Минхен во реваншот на „Алијанц арената“ со 4-3. Во полуфиналето оди германскиот гигант, кој славеше со вкупен резултат 6-4.
По натпреварот, кој беше исполнет со тензии, претседателот на Реал Мадрид влегол во соблекувалната на своите играчи и им кажал што му лежи на душа.
„Ти (Арда Ѓулер) излегуваш, не гледај што ќе се случува сега. Една сезона без трофеј е неуспех, две се неподносливи. Ви благодарам за денешниот труд, но сезоната е целосно разочарување. Да се игра за Реал Мадрид е привилегија, но и голема обврска. Многумина од вас не ја исполнија. Барем завршете ја првенствената трка достоинствено“, порачал Флорентино Перес.
Во Ла Лига, шансите на Реал Мадрид за трофеј се исклучително мали, со оглед дека Барселона осум кола пред крајот има девет бода предност пред мадридскиот клуб.
