Фудбалерите на Интер триумфираа во италијанскиот Супер куп откако во финалето го совладаа Наполи со 1:0, и тоа со гол во судиското продолжение.
Завршницата на италијанскиот Супер куп втора година по ред се одржува во Ријад, Саудиска Арабија, и во двете изданија триумфира Интер.
Минатата година Нераѕурите во финалето го совладаа Јувентус со 2:1, а овојпат беа подобри од шампионот Наполи.
Единствениот гол го постигна Лаутаро Мартинес во 91-вата минута.
