Федерико Валверде ќе пропушти само еден меч поради црвениот картон кој го заработи во финалето од Суперкупот на Шпанија против Атлетико Мадрид. Остриот старт врз Мората и исклучувањето вредно за трофеј, му се исплати на уругвајскиот играч за врска бидејќи за директно заработен црвен картон обично суспензијата е повеќе натпревари.
Валверде нема да игра викендов против Севилја, но ќе биде во комбинација за гостувањето кај Валјадолид, а потоа и за градското дерби против Атлетико.
Жрвтувањето на Валверде се исплати поради освоениот трофеј, а неговиот прекршок врз Мората во непосредна близина на шестнаесетникот на Кралевите при резултат од 0-0 е окарактеризиран како момент кој го одреди победникот, бидејќи подоцна Реал славеше во пенал-рулетот.
