Белгија против Италија ќе биде новото големо дерби на Европското првенство по кое големи се шансите победникот од овој пар на крајот да ја освои титулата. Пресметката е предвидена да се одигра во петок, 2 јуни, а Белгијците се загрижени што на „Алијанц арената“ во Минхен веројатно ќе се појават без двете главни ѕвезди кои се повредија во победата над Португалија во осминафиналето.
Имаше најави дека Еден Азар и Кевин де Бројне ќе го пропуштат мечот против Аѕурите, дури се тврдеше дека капитенот и играч на Реал Мадрид го заврши својот настап на ЕП, но селекторот Мартинес ги демантираше информациите. Сепак, и двајцата се во трка со времето да закрепнат во следните три дена, а шансите им се сè помали бидејќи и натаму не се во можност да одработат комплетен тренинг.
Што се однесува до италијанската селекција, сè уште е неизвесно дали капитенот Кјелини ќе биде во конкуренција за настап бидејќи ветеранот не се врати на терените уште од второто коло кога се повреди во мечот против Швајцарија.
