Јулијана Пења се погрижи за едно од најголемите изненадувања во историјата на УФЦ борбите, откако ја победи Аманда Нуњес, во бантам категорија. Двократната шампионка Нуњес беше голема фаворитска пред мечот и многумина очекуваа да ја задржи титулата која ја има во свој посед во последните пет години.
Сепак, Пења покажа дека е подготвена за чудo и откако го издржа атакот на Бразилката во првата рунда, потоа се случи пресврт. Двете фајтерки се удираа до изнемоштеност, а пред крајот на втората рунда, Пења успеа да ја фати противничката за врат и со „давење“ ја натера да се предаде.
„Ви реков, немојте да се сомневате во мене. Моќта на желбата, силата и одлучноста. Тоа ќе ве одведе таму каде што посакувате. Дефинитивно очекував да победам“, рече Пења по најголемиот триумф во кариерата.
За Нуњес ова е прв пораз во последните седум години, вкупно петти во кариерата во која има и 25 победи. Пења стигна до 11 триумф во кариерата во која има и четири порази, а сега со себе го носи и појасот за најдобра во бантам категорија.
