Сега и Швеѓаните се жалат на распоредот на летови и велат дека слаба е фрекфенцијата на летови од Стокхолм до Скопје, па се бараат алтернативни патишта за навивачите на АИК кои ќе сакаат да го следат реванш-дуелот со Шкендија на 11 август.
„Многу се слаби врските Стокхолм – Скопје и има малку летови во овој период, па најдобро е ако сте навивач на АИК и сакате да го гледате реваншот во Македонија, да патувате за Солун. Оттаму имате околу 3 часа возење до Скопје. Втора опција е да слетате во Ниш и да патувате за главниот град на Македонија, а и тоа ќе трае околу 3 часа“ е една од препораките за навивачите на АИК на социјалните мрежи.
Åktips då Skopje har dåligt med flyg. Ni kan åka till Grekland, Thessaloniki och bila ner till Skopje. Cirka 3h. annat alternativ är Serbien, Nis. Vilket tar 3h oxå.
Retweeta gärna så mer folk vet om detta!
— AIK Monoliten (@AIK_Monoliten) July 29, 2022
Вечерва од 19 часот ќе се игра првиот меч од третото квалификациско коло за Конференциската лига на УЕФА, а АИК на „Френдс арената“ ѝ е домаќин на Шкендија.
Реваншот е за 7 дена во Скопје, а победникот во овој двомеч ќе игра финален бараж со подобриот од двомечот меѓу Фенербахче и Словачко за настап во Конференциската лига.
