Екипата на Колос од Ковалевка во претстојната сезона ќе ја претставува Украина во квалификациите на Лигата на Европа откако го доби Мариупол со 1-0 во плејофот за место во ЛЕ. Интересно е што Колос сезонава првпат играше во првата украинска лига и испиша историја иако доаѓа од место кое е на 80 километри од Киев и има само 1.600 жители.
Голот за победа го даде Денис Антјух во 95-тата минута, се играа продолженија, а за Колос ова е прв излез на европска сцена во клупската историја. Колос своите домашни мечеви ги игра на стадион во Киев, кој има капацитет од малку повеќе од 5.000 гледачи.